|
Бақара сурасининг хотимаси
Энди мана шу сура ҳақида сўнгги сўзни айтамиз. Бу сура ақида ва шариатга тегишли Ислом ҳукмларининг ҳаммасини бўлмаса ҳам аксариятини қамраб олган.
Унда мўминлик, кофирлик ва мунофиқлик моҳияти очиб берилган. Сўнг кофирларга қарши Аллоҳнинг маъбудликда ҳам, парвардигорликда ҳам ягоналигига, шерикдан, боладан, ўхшашдан, хотиндан Пок эканига ҳужжатлар келтирилган. Кейин Аллоҳнинг каломи бўлган, бирон жойига биронта ноҳақлик аралашмаган Қуръон мушрикларни беллашувга чақирган. Унинг мислини инсон зоти ярата олмаган, бундан кейин ҳам ярата олмайди.
Бу сурада Одам а.с.ни ер юзига Халифаликка тайёрлаш баён қилинган. Аллоҳ у кишини энг гўзал суратда яратди. Унга соғлом ақл ва тоза табиат ато этди. Шу билан у ўзини яратган Зотга имон келтирди ва Унга ибодат қилди, дуо қилди. Кейин Аллоҳ унга нарсаларнинг номларини ўргатди. Бошқачароқ қилиб айтганда у Парвардигордан фикрлашга, янги фикрлар келтириб чиқаришга замин бўлгувчи собиқ маълумотларни олди. Шундай қилиб, унинг зурриёти нарсалар хусусида тафаккур қилди, ҳақиқатни аниқлади, Аллоҳнинг пайғамбарларини кутиб олишга ҳозирлик кўрди. Хуллас, ҳар ким экканини ўрадиган бўлди, юзнинг қийшиқлигига ойнадан ўпкалашнинг ҳожати қолмади.
Кейин Аллоҳ Таоло пайғамбарларни Аллоҳнинг оятлари билан мубашшир ва назир қилиб, яъни, мўминларга Аллоҳнинг розилиги ва жаннатлар ҳақидаги суюнчли хабарни етказувчи қилиб, кофирларни эса Аллоҳнинг ғазаби ва интиқомидан огоҳлантирувчи қилиб юборди.
Бу сурада яҳудлар, уларнинг хиёнатлари, макру ҳийлалари, Аллоҳнинг оятларига куфр келтирганлари, ўзларига нозил бўлган китобларни ўзгартириб юборганлари, динни савдога қўйганлари, Аллоҳнинг оятларини арзимас баҳога сотганлари, Пайғамбар с.а.в.га қарши тил бириктирганлари, одамларни имон йўлидан тўсганлари, ўзлари пасткаш, мунофиқ, хоин, бевафо одамлар экани, уларга хорлик ва мискинлик ёзилгани ҳамда кофирларга хор қилгувчи азоб борлиги баён қилинган.
Кейин бу сурада аслий ва фаръий шаръий ҳукмлар, зулм, зулмнинг турлари, масжидлардан тўсиш, гувоҳликни беркитиш, илмни яшириш зулмлари, намоз, закот, рўза, ҳаж, жиҳод, никоҳ, талоқ, ийло, эмизиш, Аллоҳ йўлида инфоқ қилиш, рибо, дайн, афв, мағфират, раҳмат мавзуларида гап боради. Аллоҳ (ҳамма нарсани) Қамраб олувчи Билимдон Зотдир.
230-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232